အမေရိကန်နိုင်ငံ တက္ကဆက်ပြည်နယ်တောင်ပိုင်းက ကုန်တင်ရထားတစ်စီးပေါ်မှာ အထောက် အထားမဲ့ ရွှေ့ပြောင်းအခြေချသူ ၂ ဦး အသက်ရှုကြပ် သေဆုံးခဲ့ပြီး ဆေးဝါးကုသမှု လိုအပ်နေတဲ့ နောက်ထပ်လူ ၁၀ ဦးကိုလည်း ဆေးရုံပို့ဆောင်ခဲ့တယ်လို့ မတ် ၂၄ရက်မှာ ရဲတပ်ဖွဲ့က ပြောပါတယ်။

တက္ကဆက်ပြည်နယ် ယူဗယ်ဒီမြို့က တာဝန်ရှိသူတွေဟာ အမည်မသိ 911 အရေးပေါ်ခေါ်ဆိုမှု တစ်ခုအတွင်း ရထားတစ်စင်းထဲမှာ ရွှေ့ပြောင်းအခြေချသူအများအပြား အသက်ရှု ကျပ်နေကြ ကြောင်း သတင်းပေးခဲ့တာဖြစ်တယ်လို့ ယူဗယ်ဒီရဲတပ်ဖွဲ့ရဲ့ ထုတ်ပြန်ချက်ထဲမှာ ပါဝင်ပါတယ်။

ရွှေ့ပြောင်းအခြေချသူ အနည်းဆုံး ၁၅ ဦးလောက်ဟာ ချက်ချင်းဆေးကုသမှုခံယူဖို့ လိုအပ်နေခဲ့ တယ်လို့ ရဲတပ်ဖွဲ့က ပြန်ပြောပြပါတယ်။ 

အမေရိကန်နယ်ခြားစောင့်တပ်ဖွဲ့က ရဲအရာရှိတွေဟာ သတင်းပေးချက် ရပြီးတဲ့နောက် ရွှေ့ပြောင်းအခြေချသူတွေလိုက်ပါလာတဲ့ ဒီရထားကို ယူဗယ်ဒီ ကောင်တီရဲ့ နစ်ပါ ဧရိယာ အရှေ့ ဘက်မှာ ရပ်တန့်နိုင်ခဲ့တယ်လို့ ဆိုပါတယ်။ 

ဒီတာဝန်ရှိသူတွေက ကယ်ဆယ်ရေး ရဟတ်ယာဉ်တွေ ဆင်းသက်နိုင်အောင် အမှတ် ၉၀ အဝေးပြေးလမ်းကိုပါ ယာယီပိတ်ထားခဲ့တယ်လို့လည်း သိရပါတယ်။ 

ဖက်ဒရယ်စုံစမ်း စစ်ဆေးရေးမှူးတွေအနေနဲ့ ဒီကိစ္စဟာ လူမှောင်ခိုကူးမှု ဖြစ်နိုင်ခြေရှိတာကြောင့် ဆက်လက်ရှာဖွေနေတယ်လို့ အမေရိကန်အမိမြေလုံခြုံရေးဌာနက အတည်ပြုပြောကြားပါတယ်။