ဘင်္ဂလားဒေ့ရှ်မြို့တော်ရှိ နာမည်ကျော်အဝတ်အထည်ရောင်းသည့် ဈေးဝယ်စင်တာ မီးလောင်
3
ဘင်္ဂလားဒေ့ရှ်နိုင်ငံ၊ ဒါကာမြို့တော်က ဆိုင်ခန်းပေါင်း ၃,၀၀၀ ထောင်ရှိတဲ့ ဈေးဝယ်စင်တာမှာ ဧပြီ ၄ ရက်မနက်က မီးလောင်ခဲ့ပြီး ဆိုင်အများစု မီးလောင်ပြာကျသွားပေမဲ့လူသေဆုံးမှု မရှိဘူးလို့ ရိုက်တာသတင်းမှာ ဖော်ပြပါတယ်။
နိုင်ငံရဲ့ နာမည်ကျော် အဝတ်အထည် ဈေးကွက်တွေရှိရာ ဘန်ဂါဘဇားရဲ့ ကျဉ်းမြောင်းပြီး လူစည်ကားတဲ့နေရာမှာ မီးတွေ အလျင်အမြန်ပျံ့နှံ့လာပြီးနောက် စစ်တပ်ကို အကူအညီပေးဖို့ ခေါ်ယူခဲ့ရပါတယ်။
မီးငြှိမ်းသတ်ဖို့ မီးသတ်တပ်ဖွဲ့ဝင် ၅၀ က လုပ်ဆောင်ခဲ့ကြတယ် မီးသတ်တပ်ဖွဲ့ တာဝန်ရှိသူ ရာရှစ်ဘင်ခါလစ်က ပြောပါတယ်။
မီးလောင်ရတဲ့ အကြောင်းရင်းကိုတော့ မသိရသေးပါဘူး။ ဆိုင်အများစု မဖွင့်ကြသေးခင် မနက်အစောပိုင်းမှာ မီးလောင်ကျွမ်းခဲ့တာကြောင့် အထဲမှာ လူတွေပိတ်မိနေသလားဆိုတဲ့ သတင်းအချက်အလက်ကိုတော့ မသိရသေးကြောင်း မီးသတ်အရာရှိ ခါလစ်က ပြောပါတယ်။
