Forbes မဂ္ဂဇင်းထုတ်ပြန်တဲ့ ၂၀၂၃ ခုနှစ်အတွက် ကမ္ဘာ့ဝင်ငွေအကောင်းဆုံး အားကစားသမားတွေစာရင်းမှာ ပေါ်တူဂီတိုက်စစ်မှူး စီရော်နယ်ဒိုက မက်ဆီကိုကျော်ဖြတ်ပြီး ဦးဆောင်နိုင်ခဲ့ပါတယ်။

ဝင်ငွေအကောင်းဆုံး အားကစားသမားတွေစာရင်းကို Forbes ကနှစ်စဉ်ထုတ်ပြန်လေ့ရှိပြီး စီရော် နယ်ဒိုက ၂၀၁၇ ခုနှစ် နောက်ပိုင်း ပထမဆုံးအကြိမ် ဝင်ငွေအကောင်းဆုံးအားကစားသမားဖြစ် လာခဲ့တာပါ။

ရော်နယ်ဒိုဟာ အခုနှစ်ဇန်နဝါရီလက မန်ယူနိုက်တက်ကနေ ဆော်ဒီကလပ် အယ်လ်နာဆာအသင်းဆီ ပြောင်းရွှေ့ကစားခဲ့တာပါ။

ရော်နယ်ဒိုဟာ ကွင်းတွင်းခြေစွမ်းနဲ့ လုပ်ခလစာအရ  ဝင်ငွေပေါင် ၃၇ သန်းပဲရရှိပေမဲ့ တခြား ဝင်ငွေရလမ်းကြောင်းတွေအပါအဝင် စုစုပေါင်း ၁၀၉ သန်းအထိ ဝင်ငွေရရှိခဲ့တယ်လို့ Forbes ကထုတ်ပြန်ခဲ့ပြီး ဝင်ငွေအကောင်းဆုံးက စားသမားဖြစ်လာခဲ့တာပါ။

ဒုတိယနေရာမှာ ကာလရှည်ပြိုင်ဘက် မက်ဆီက ဝင်ငွေ ၁၀၄ သန်းနဲ့ ရပ်တည်နေပြီး မက်ဆီရဲ့ ပီအက်စ်ဂျီအသင်းဖော် အမ်ဘာပေက ပေါင် ၉၆ သန်းနဲ့ တတိယနေရာမှာ ရပ်တည်ပါတယ်။

ထိပ်ဆုံး ၁၀ ဦးစာရင်းမှာပါဝင်တဲ့ တခြားအားကစားသမားတွေကတော့ ဘက်စကတ်ဘော ကစားသမား လီဘရွန်ဂျိမ်းစ်၊ လက်ဝှေ့ကျော် အယ်လ်ဗာရက်ဇ်၊ ဂေါက်သီး အားကစားသမား ဒစ္စတင်ဂျွန်ဆင်နဲ့ ဖီးလ်မိုက်ကယ်ဆန်၊ ဘက်စကတ်ဘောက စတီဗင်ကာရီ၊ တင်းနစ်က ရော်ဂျာဖက်ဒရာနဲ့ ဘက်စကတ်ဘောက ကီဗင်ဒူးရန့်တို့က အစဉ်လိုက်ရပ်တည်ခဲ့ပါတယ်။