ကာတာကမ္ဘာ့ဖလားပြိုင်ပွဲ နိုဝင်ဘာ ၂၇ ရက်ညက ကန်သွားတဲ့ အုပ်စု F ပွဲစဉ်မှာ ခရိုအေးရှား အသင်းက ကနေဒါကို  (၄-၁) ဂိုးနဲ့ အနိုင်ရသွားပါတယ်။

ဒီပွဲမှာ ပထမပိုင်းပွဲစစချင်း ပွဲချိန် ၂ မိနစ်မှာပဲ ကနေဒါအတွက် ဒေးဗစ်က ဗွေဇော်ဦး ခေါင်းတိုက်ဂိုးသွင်းယူပြီး ပွဲကို ဦးဆောင်နေခဲ့တာပါ။ 

ဒီနောက်မှာတော့ ပွဲချိန် ၃၆ မိနစ်မှာ ခရိုအေးရှားအတွက် ချေပဂိုးကို ကရာမာရစ်က စသွင်းပေးခဲ့ကာ ပွဲချိန် ၄၄ မိနစ်မှာ လီဗာဂျာက နောက်ထပ်တဂိုးသွင်းယူခဲ့လို့ ပထမပိုင်းမှာ  ခရိုအေးရှားက (၂-၁) ဂိုးနဲ့ အနိုင်ရနေပါတယ်။

ဒုတိယပိုင်း ပွဲချိန် မိနစ် ၇၀ မှာတော့  ကရာမာရစ်ကပဲ နောက်ထပ်အနိုင်ဂိုးတဂိုး ထပ်သွင်းယူပေးခဲ့ပြီး ပွဲချိန် မိနစ် ၉၀ အပြီး နာကျင်အချိန်ပို ၄ မိနစ်မှာ ခရိုအေးရှားအတွက် စတုတ္ထမြောက် ဂိုးကို မာဂျာက သွင်းယူပေးခဲ့ပါတယ်။

ဒီပွဲမှာ ကနေဒါက ဘောလုံးပိုင်ဆိုင်မှု ၅၂ ရာခိုင်နှုန်း ပိုရခဲ့ပေမဲ့ မိုဒရစ်ဦးဆောင်တဲ့ ခရိုအေးရှားက ဂိုးပေါက်ကန်သွင်းခွင့်တွေ ကနေဒါအတွက် ပိုမိုရရှိခဲ့သလို အဆုံးသတ်ဂိုးတွေကို ပိုင်ပိုင်နိုင်နိုင်သွင်းယူနိုင်ခဲ့တာ ဖြစ်ပါတယ်။

ဒီပွဲအပြီးမှာတော့ ခရိုအေးရှားက ရမှတ် ၄ မှတ်နဲ့ အုပ်စု F ရဲ့ ပထမနေရာမှာ ရပ်တည်နေပြီး၊ မော်ရိုကိုကလည်း ရမှတ် ၄ မှတ်နဲ့ အုပ်စု ဒုတိယ၊ ဘယ်လ်ဂျီယံက ရမှတ် ၃ မှတ်နဲ့  အုပ်စု တတိယနဲ့ ကနေဒါကတော့ အုပ်စု နောက်ဆုံးမှာ အသီးသီးရပ်တည်နေပါတယ်။