မန်စီးတီးနဲ့ပွဲစဉ်မှာ တိုက်စစ်မှူးဟာလန်းကို ထိန်းချုပ်နိုင်ဖို့ ကံတရားဖေးမမှုလည်း လိုအပ်ကြောင်း လိဒ်ယူနိုက်တက်နည်းပြ ဂျက်စီမာ့ရှ်က ပြောပါတယ်။

လိဒ်ယူနိုက်တက်ဟာ ဒီဇင်ဘာ ၂၉ ရက် မနက်ပိုင်းမှာ မန်စီးတီးကို အိမ်ကွင်းမှာ လက်ခံကစားသွားရမှာပါ။

ပွဲမတိုင်ခင် သတင်းစာရှင်းလင်းပွဲမှာတော့ ဟာလန်းကို ထိန်းချုပ်နိုင်ဖို့ နည်းလမ်းပေါင်းစုံ စဉ်းစားထားပေမဲ့ ကံတရားဖေးမမှုလည်း လိုအပ်ကြောင်း ပြောခဲ့တာပါ။

ဂျက်စီမာ့ရှ်ဟာ ဆဲလ်ဘက်အသင်းကို ကိုင်တွယ်စဉ်က ဟာလန်းနဲ့ လက်တွဲခဲ့ဖူးပါတယ်။ မန်စီးတီးတိုက်စစ်နဲ့ ဟာလန်းကို ထိန်းချုပ်နိုင်ဖို့ ကြိုးပမ်းသွားမှာဖြစ်ပေမဲ့ ပွဲကစားတဲ့နေ့မှာ ကံတရားဘက်မှာရှိနေဖို့လည်း လိုအပ်ကြောင်း၊ ဟာလန်းကို ထိန်းချုပ်နိုင်လိမ့်မယ်လို့ မျှော်လင့်ကြောင်း နည်းပြမာ့ရှ်က ပြောခဲ့တာပါ။

ဟာလန်းဟာ မန်စီးတီးနဲ့ ပရီးမီးယားလိဂ် ၁၅ ပွဲမှာပဲ ၁၉ ဂိုးအထိ သွင်းယူထားပါတယ်။