ပရီးမီးယားလိဂ်မှာ အခက်ခဲဆုံးပြိုင်ဘက်က အာဆင်နယ်တိုက်စစ်မှူး ဂျေဆုဖြစ်တယ်လို့ မန်ယူ နောက်ခံလူ မာတီနက်ဇ်ကပြောပါတယ်။ 

အာဂျင်တီးနားနောက်ခံလူဟာ တိုက်စစ်မှူး ဂျေဆုနဲ့ ပရီးမီးယားလိဂ်ပွဲစဉ်တစ်ပွဲပဲ ယှဉ်ပြိုင်ခဲ့ဖူး သေးတာပါ။

အဲဒီပွဲစဉ်ဟာ မန်ယူအသင်းက အိမ်ကွင်းမှာ ၃ ဂိုး ၁ ဂိုးနဲ့ အနိုင်ရခဲ့တဲ့ပွဲစဉ်ဖြစ်ပြီး ဂျေဆုက ဂိုးသွင်းနိုင်ခြင်းတော့ မရှိခဲ့ဘဲ ဆာကာက အာဆင်နယ်အတွက် ချေပဂိုးသွင်းခဲ့တာပါ။ 

ဒါပေမဲ့ပရီးမီးယားလိဂ်မှာ အခက်ခဲဆုံးပြိုင်ဘက်က အာဆင်နယ် တိုက်စစ်မှူး ဂျေဆုဖြစ်တယ် လို့ တယ်လီဂရပ်ဖ်သတင်းစာနဲ့ အင်တာဗျူးမှာ မာတီနက်ဇ်က ပြောခဲ့တာပါ။ 

မာတီနက်ဇ်ဟာ ဂိုး မရှိသရေကျခဲ့တဲ့ အာဂျင်တီးနားနဲ့ ဘရာဇီးတို့ရဲ့ ကမ္ဘာ့ဖလားခြေစစ်ပွဲမှာတော့ လူစားဝင်ကစားခဲ့ပြီး ဂျေဆုနဲ့ မိနစ်အနည်းငယ်ရင်ဆိုင်ကစားခဲ့ဖူးပါတယ်။  

မန်ယူအသင်းက အာဆင်နယ်ကို ၃ ဂိုး ၂ ဂိုးနဲ့ ရှုံးနိမ့်ခဲ့တဲ့ပွဲမှာ မာတီနက်ဇ်က တစ်ဂိုးသွင်းခဲ့ပြီး ဂျေဆုကတော့ ဒဏ်ရာကြောင့် ပါဝင်နိုင်ခဲ့ခြင်းမရှိပါဘူး။