မလေးရှားဝန်ကြီးချုပ်ဟောင်း မူဟစ်ဒင် ယာဆင်ဟာ ဝန်ကြီးချုပ်တာဝန်ယူချိန်က စခဲ့တဲ့ လှုံ့ဆော်မှု အစီအစဉ်တွေမှာ အလွဲသုံးစားလုပ်ခဲ့တယ်ဆိုတဲ့ စွပ်စွဲချက်တွေကို ဖြေရှင်းဖို့ နိုင်ငံရဲ့ အကျင့်ပျက်ခြစားမှု တိုက်ဖျက်ရေးအေဂျင်စီကို မတ် ၉ ရက်က ရောက်လာခဲ့ပါတယ်။

၂၀၂၀ နဲ့ ၂၀၂၁ ခုနှစ်အကြား ၁၇ လကြာ ဝန်ကြီးချုပ်ဖြစ်ခဲ့တဲ့ မူဟစ်ဒင်က စွပ်စွဲချက်တွေကို ငြင်းဆိုထားပြီး နိုင်ငံရေးအငြိုးနဲ့ နှိပ်စက်မှုအဖြစ် ဖော်ပြခဲ့ပါတယ်။

မနှစ်က ဝန်ကြီးချုပ် အန်နဝါ အီဘရာဟင်မ်က မူဟစ်ဒင် အတည်ပြုထားတဲ့ ကိုဗစ်-၁၉ ကပ်ဘေးသက်သာရေး အစီအစဉ်တွေ အပါအဝင် ဒေါ်လာ ဘီလီယံနဲ့ချီတဲ့ အစိုးရစီမံကိန်းတွေဟာ သင့်လျော်တဲ့ လုပ်ထုံးလုပ်နည်းတွေကို မလိုက်နာထားဘူးလို့ စွပ်စွဲရင်း ပြန်သုံးသပ်ဖို့ အမိန့်ပေးခဲ့ပါတယ်။

လက်ရှိ အတိုက်အခံခေါင်းဆောင် မူဟစ်ဒင်အပေါ် စွဲချက်တင်တာတွေဟာ အခုနှစ်လယ်ပိုင်း ပြည်နယ်ခြောက်ခုမှာ ကျင်းပမယ့် ဒေသဆိုင်ရာ ရွေးကောက်ပွဲတွေ မတိုင်မီ ထွက်ပေါ်လာပြီး ဝန်ကြီးချုပ်ဟောင်းရဲ့ ညွန့်ပေါင်းအဖွဲ့ဟာ အန်ဝါရဲ့ မဟာမိတ်ကို အပြင်းအထန် စိန်ခေါ်နိုင်လိမ့်မယ်လို့ မျှော်လင့်ရပါတယ်။