ပဲခူးတိုင်း ကြို့ပင်ကောက်မြို့နယ်နဲ့ ​အုတ်ဖိုမြို့နယ်အစပ်က ပျူစောထီးခန်းကို ဖေဖော်ဝါရီ ၈ ရက်နေ့ညပိုင်းမှာ ကြို့ပင်ကောက် PDF က ဝင်ရောက်တိုက်ခိုက်ခဲ့ရာ ပျူစောထီး ၅ ယောက်သေဆုံးခဲ့တယ်လို့ GBK-PDF ကနေ သိရပါတယ်။

ကြို့ပင်ကောင်မြို့နယ်နဲ့ အုတ်ဖို့မြို့နယ်အစပ်က မြေပြာရွာမှာ စခန်းချထားတဲ့ ပျူစောထီးတွေကို မနေ့ညပိုင်းမှာ GBK-PDF က ဝင်ရောက်တိုက်ခိုက်ခဲ့တာလို့ GBK-PDF ရဲ့ ပြန်ကြားရေးတာဝန်ခံက ပြောပါတယ်။

အဲဒီတိုက်ပွဲမှာ စစ်ကောင်စီရဲ့ လက်ပါးစေ ပျူစောထီခေါင်းဆောင်တွေဖြစ်တဲ့ နိုင်ဝင်း၊ ဆန်းငွေ၊ ကျော်ဦးတို့နဲ့ စစ်ကောင်စီသတင်းပေး ပျူစောထီးအဖွဲ့ဝင် ၂ ယောက်သေဆုံးခဲ့ပြီး ကြို့ပင်ကောက် PDF က ရဲဘော်တွေ အထိခိုက်အကျဆုံးမရှိဘဲ အောင်အောင်မြင်မြင် ဆုတ်ခွာနိုင်ခဲ့ကြတယ်လို့ ​ဆိုပါတယ်။

ဒေသခံတစ်ယောက်က “မြေပြာရွာမှာ မနေ့ညက သေနတ်ပစ်ခတ်သံတွေကြားရတယ်ဗျ။ ဒီမနက်ပိုင်းမှာ စုံစမ်းကြည့်တော့ စစ်ကောင်စီက ဖွဲ့ပေးထားတဲ့ ပျူစောထီးတွေနဲ့ ကြို့ပင်ကောက်PDF တို့ တိုက်ပွဲ ဖြစ်တာလို့ သိရတယ်။ ပျူစောထီးဘက်က ၅ ယောက်သေပြီး အများအပြားဒဏ်ရာရရှိသွားတယ်ဗျ။ ခုမနက်ပိုင်းမှာတော့ စစ်ကောင်စီတပ်တွေနဲ့ ရဲတွေရောက်လာပြီး ပိတ်ဆို့ စစ်ဆေးတာတွေ လုပ်နေတယ်” လို့ ပြောပါတယ်။

နှစ်ဘက်တိုက်ပွဲတွေနဲ့ ပတ်သက်လို့တော့ ထိခိုက်သေဆုံးတဲ့ အခြေအနေကိုတော့ စစ်ကောင်စီဘက်က သတင်းထုတ်ပြန်ထားတာမတွေ့ရသေးပါဘူး။