အာဂျင်တီးနားလွှတ်တော်မှာ နိုင်ငံတကာငွေကြေးရန်ပုံငွေအဖွဲ့ (IMF) ရဲ့ ကြွေးမြီ ဒေါ်လာ ၄၅ ဘီလီယံကို ပြန်ဆပ်ရေး အကြိတ်အနယ်ဆွေးနွေးနေစဉ် လွှတ်တော်အပြင်ဘက်မှာ ဆန္ဒပြသူတွေနဲ့ ရဲတွေ ပဋိပက္ခ ဖြစ်ပွားခဲ့ပါတယ်။ 

အဓိကရုဏ်းနှိမ်နင်းရေးရဲတပ်ဖွဲ့တွေရဲ့တင်းမာတဲ့ အပြုအမူကြောင့် ငြိမ်းချမ်းစွာ ဆန္ဒပြနေတဲ့ လူအုပ်က လွှတ်တော်ကို ကျောက်ခဲတွေနဲ့ပစ်ပေါက်ပြီး မီးရှို့ခဲ့ကြတာပါ။

အောက်လွှတ်တော်အမတ် အများစုက IMF နဲ့ ကြွေးမြီတဝက်ပြန်ဆပ်ဖို့ သဘောတူထားတဲ့ ဥပဒေကြမ်းကို ပြဋ္ဌာန်းလိုပေမဲ့ ဆန္ဒပြသူတွေက လုံးဝပြန်မဆပ်ဖို့ ဆန္ဒပြနေတာပါ။

ဆန္ဒပြသူတွေက “IMF ထွက်သွား၊ IMF အလိုမရှိ၊ IMF နဲ့ သဘောတူညီချက်လက်မခံ” ကြွေးကြော်သံတွေ အော်ဟစ်ခဲ့တာပါ။ 

အာဂျင်တီးနားက ၂၀၂၁ မှာ ငွေကြေးဖောင်းပွမှု ၅၀ ရာခိုင်နှုန်း၊ နိုင်ငံခြားငွေ ပြတ်လပ်မှု၊ ပီဆိုငွေကြေးတန်ဖိုး ကျဆင်းမှုတွေနဲ့  စီးပွားရေးအကျပ်အတည်းကြုံခဲ့ရပြီး ဒီနှစ်ထဲမှာ IMF ကို ဒေါ်လာ ၁၈ ဘီလီယံ ပြန်ဆပ်ဖို့ ရှိနေတာပါ။