ယူကရိန်းစစ်သည်တွေဟာ ခါကိဗ်မြို့ထဲက ရုရှားရဲ့ ပစ်မှတ်တွေကို ဒုံးကျည်တွေနဲ့ ဧပြီ ၂၀ ရက်က ပစ်ခတ်တိုက်ခိုက်ခဲ့ပါတယ်။

ခါကိဗ်မြို့ထဲမှာ လူ ၄ ယောက် သေဆုံးအပြီး နောက်နေ့မှာ ခုလို ပစ်ခတ်ခဲ့တာဖြစ်ပြီး ယူကရိန်းအရာရှိတွေက သူတို့ရဲ့ စစ်သားတွေဟာ ထိုးစစ်ကို ခံနိုင်ရည်ရှိလိမ့်မယ်လို့ ပြောပါတယ်။

ရုရှားဟာ ယူကရိန်းနဲ့ စစ်ပွဲအတွင်း ယူကရိန်းရဲ့ အရှေ့ဘက် စစ်မျက်နှာ တခုလုံးနီးပါးကို စီးနင်းတိုက်ခိုက်နေတာပါ။

ရုရှားရဲ့ အထူးစစ်ဆင်ရေးဟာ ယူကရိန်းစစ်တပ် အင်အားလျှော့ချရေးနဲ့ အန္တရာယ်ရှိတဲ့ အမျိုးသားရေးဝါဒီများကို အမြစ်ဖြုတ်ရေးအတွက် ရည်ရွယ်တယ်လို့ ရုရှားအစိုးရက ပြောပါတယ်။

ယူကရိန်းအစိုးရနဲ့ အနောက်နိုင်ငံတွေကတော့ ရုရှားဟာ ကျူးကျော်စစ်အတွက် တရားမျှတမှု မရှိတဲ့ အကြောင်းပြချက် ပေးနေတာလို့ ပြောပြီး ရုရှားရဲ့ ရပ်တည်ချက်ကို ပယ်ချခဲ့ကြပါတယ်။