မဲလ်ဘုန်းမြို့၌ ခရီးသည် ၁၂ ဦးပါ မီးပုံးပျံ ပျက်ကျ
4
ဩစတြေးလျနိုင်ငံ၊ မဲလ်ဘုန်းမြို့မှာ ခရီးသည် ၁၂ ယောက်ပါတဲ့ မီးပုံးပျံ တစီး ပွဲဦးထွက် ပျံသန်းနေရင်း ဧပြီ ၂၀ ရက် မနက်က တိုက်ခန်းတွဲပေါ်ကို ပျက်ကျခဲ့ပါတယ်။
ချို့ယွင်းမှုကြောင့် မောင်းနှင်သူက ကြိုးစားထိန်းကျောင်းပြီး မီးပုံးပျံဟာ အရေးပေါ် ဆင်းသက်ခဲ့ရကာ ဒဏ်ရာရသူ မရှိခဲ့ဘူးလို့ ဒေသခံ မီဒီယာက ပြောပါတယ်။
မဲလ်ဘုန်းမြို့တောင်ပိုင်း ဆင်ခြေဖုံးက အယ်လ်ဝုဒ်ရပ်ကွက်ထဲမှာ မီးပုံးပျံဟာ လျှပ်စစ်ဓာတ်အားလိုင်းနဲ့ သီသီလေး ကပ်လွဲ သွားခဲ့တာပါ။
မီးပုံးပျံ ပျက်ကျရတဲ့ အကြောင်းရင်းကို စုံစမ်းစစ်ဆေးမယ်လို့ ဩစတြေးလျ သယ်ယူပို့ဆောင်မှု ဘေးကင်းရေးဗျူရို (ATSB)က ပြောပါတယ်။
