Elnur Sadıqov
2009 – cu ildə İlham Əliyevin övladlarının adına mülkiyyət aktları çap olunmaqla Dubayda 70 milyon dollarlıq 9 villa aşkarlandı. “Washington Post” qəzeti bu haqda məqalə yazdı. Buna baxmayaraq Əliyev istefa vermədi.
Beynəlxalq Universitetin rektoru Elşad Abdullayev Prezident Aparatının rəhbəri Ramiz Mehdiyevin rüşvətlə deputat təyinatını əks etdirən videolar yaydı. Mehdiyev heç bunu vecinə də almadı.
Müxtəlif partiyaların özlərinə lider deyən rəhbərləri seçkidə İlham Əliyevə məğlub oldular. Əliyevi buna görə təbrik etdilər. Amma istefa vermədilər.
Müsavat partiyasının sədri başda olmaqla rəhbərliyinin adı saxta sənədlər hazırlamaqda hallandı. Onlarla əlbir olan şəxslər Almaniyada həbs edildi. İstefa verən olmadı.
Nicat Abdullazadə skrinlər yayıb. Məlum olur ki, REAL Təşəbbüs Qrupunun yetlilisi Natiq Cəfərli ya ictimaiyyətə yalan danışıb, ya da 5 il ərzində külli miqdarda (təqribən 84000 AZN) vergidən pul yayındırıb.
Onlardan başqa birisi kimyəvi terrorizmə (zəhərlə adam öldürmə) çağırış etmişdi, homofob fikirlər tirajlamışdı amma istefa vermək fikirləri yoxdur.
Xaricdə fəaliyyət göstərən 2 nəfərdən ibarət hərəkat rəhbərinin birinin terrorçuluğu və kamikadzeliyi təbliğ edən videoları yayıldı istefanı ağlının ucuna belə gətirmədi.
Amma Fuad Qəhrəmanlıyla bağlı məlum hadisə baş verən kimi o, AXCP – dəki müavin vəzifəsindən istefa verdi. Bu gün də Eldəniz Quliyev və Rafiq Manaflı Milli Şuradan istefa veriblər.
Belə görünür Azərbaycanda mütərəqqi ölkələrdəki siyasi mədəniyyəti öz idarəçiliyinə tətbiq edən tək siyasi qüvvə AXCP / Milli Şuradır. Azərbaycan xalqının da AXCP / Milli Şuranı özünün avanqard qüvvəsi seçməsində bu amil də rol oynayır. AXCP / MŞ təkcə mübariz və qətiyyətli qüvvə deyil, həm də Azərbaycanın ən müasir və tərəqqipərvər qüvvəsidir.